طيب
أنا شكلي نسيت إني عندي مدونة
و بردو مش عايز أتكلم
عايز أخرج اللي في قلبي
أنا هفضل لحد امتى بكلم نفسي و مش عارف أخرج حاجة
ما علينا
أنا الحمد لله إتقبلت في الماجستير في إحدى الدول الأوربية
و المفروض الدراسة هتبدأ إن شاء الله سبتمبر الجي
طيب ربنا يسهل ؛ لو حد قرا الكلام ده يبقى يدعيلي
و طبعا عندي امتحانات ماجستير هنا في الكلية و بصراحة نفسي بتودي وتجيب
أروح امتحن ولا أكبر
أصل بصراحة إحنا بيدرسولنا كلام خربان مش و مصممين على حشو دماغنا بدون تطبيق
طيب قولنا في الكلية ناخد حاجات عارفين هنستفيد منها بإيه
طيب دلوقتي في الماجستير غيه الحجة
طيب حد يصدق إني امتحن كمبيوتر نظري
حد يشرحلي تيجي إزاي
ده حتى ال
ICDL
اللي هو رخصة القيادة الدولية للكمبيوتر اللي هي شهادة محو الأمية بتاعت الكمبيوتر بيمتحنوها على أجهزة كمبيوتر
مش امتحان نظري
طيب انا هعصر على نفسي شجرة لمون و أدخل الامتحانات و أمري لله
3 comments:
السلام عليكم ورحمه الله وبركاته
انت فعلا باين من كلامك انك مش بتعرف تتكلم وتعبر عن نفسك علي فكره انا كمان زيك بس في اوقات بعرف اعبر عن نفسي واتكلم واوقات تانيه ببقي زيك بس طبعي زيك كده لكن ابتديت احاول اغير من نفسي واقلد اصحابي واعرف اتكلم واكتب زيهم
وربنا معاك ويوفقك ويقف جنبك يارب وتاخد الماجستير بتقدير امتياز مع مرتبه الشرف يارب امين
وياريت تدعيلي انا كمان وتدخل علي مدونتي وتعلق عليها بس هي مدونه متخصصه
مدونتي الرابط بتاعها اهوه
http://librariansinmenofia.blogspot.com/
ربنا يكرمك و يوفقك و على فكرة المدونة حلوة بس هي فعلا متخصصة جدا
و انا بصراحة اول مرة اعرف غن المكتبات دي علم جامد كدة
بس يمكن عشان انا مشفتش في مصر حتى الآن مكتبات مبهرة غير مكتبة الإسكندرية
Post a Comment