تفاصيل أكتر

أنا نسيت أقولكم إني بفضل الله متخرج بتقدير عام امتياز مع مرتبة الشرف و ترتيبي كان كويس إلى حد ما بس مش لدرجة إني أتعين

كمعيد في الكلية و الحمد لله إني متعينتش معيد لأسباب هبقى أذكرها مرة تانية

هو للأسف أنا لسة غالب عليا طبع التقصير في الكلام (ما قل و دل) و عدم القدرة على تفصيل للي عايز أقوله بس معلش واحدة واحدة كده

و ربنا يسهل و أعرف أفك عقدة الكتابة اللي عندي

طبعا كصيدلي متخرج جديد قدامي كذا شغلانة المفروض أختار منها اللي يناسبني

بس للأسف مع كثرة الفرص للاختيار إلا إن مفيش (من وجهة نظري) عمل لصيدلي ممكن يتقال علية كارير

Career

يعني شغل الواحد يقول أنا هكمل في الشغل ده طول حياتي لغاية مكون حاجة كبيرة

فيه بعض الحالات ينفع يتقال عليها كارير بس حالات نادرة

طيب إيه مجالات العمل(اللي أنا أعرفها) بالنسبة للصيدلي

معلش اسمحولي إني أكتب الموضوع ده مرة تانية عشان أقدر أجمعلكم أكبر قدر كافي من المعلومات عن الوظائف اللي ينفع الصيدلي يشتغل فيها

إلى لقاء قريب

تعريف بنفسي

بسم الله الرحمن الرحيم

أنا إسمي أحمد: صيدلي متخرج حديثا من صيدلة عين شمس بجمهورية مصر العربية

سبب فتحي للمدونة دي إني قليل الكلام و التعبير عن نفسي الداخلية في شكل كلام يتكتب على ورق يعني دايما بكتم في نفسي كدة و

طبعا ده مش كويس صحيا لواحد المفروض إنه مقبل على الحياة في جو ملبد بالاحباطات من كل نوع

كلامي هيكون غير منظم (من وجهة نظري) لأني مش هحاول أنمق فيه

كل همي إني أقول كل حاجة

أتمنى بخبرتي الضئيلة إني في المدونة دي أفيد اللي هيقراها و يدعيلي إن ربنا يوفقني في تحقيق أهدافي لو كان فيها خير ليا